اشهد يا تاريخ ..... للأديب الشاعر/ صالح سالم - المصرى

اشهد يا تاريخ .....

اشهد يا تاريخ

على الحقيقة المرة

خالد سعيد بن مصر

يقتل اكثر من مرة

اشهد يا تاريخ

على أوباش البلد

قتلوا الولد

و القاتل برئ

و المقتول ظالم

اشهد يا تاريخ

و سجل فى كتاب المظالم

فى بلدنا كبر القاتل و الظالم

و ضاعت من وجه القتيل المعالم

طبعا لازم يطلع القتيل غلطان

علشان أوباش البلد

يقولوا بنحمى حقوق الإنسان

الحكاية حكاية شلة أوباش

بيحكموا البلد مبيحبهاش

مسير الحق يظهر و يبان

و الحق طول عمره عالى

يا حفنة أوباش ..
 

في 24 يونيو، 2010‏، الساعة 11:50 صباحاً‏‏