أعشقك ... للأديب الشاعر/ صالح سالم - المصرى

أعشقك

بعشقك و أنت قريب منى

واعشقك و أنت بعيد عنى

واشتاق لصوتك يدق قلبى

واضم صورتك بدموع حبى

واعاتب زمانى اللى حرمنى

من قلب عايش بنبضه عمرى

وأقول لروحى يمكن ينسانى

واحاول انسى ثانية أو ثوانى

يقولى طيفه محتاج لعمر تانى

لاجل تنسى حبى و تنسانى

وتسحب روحك من جوه روحى

وقلبك ينسى قلبى وعنوانى

أتوه بفكرى فى دوامة أحزانى

تنقذنى منها سفينة أحلامى

أشوفك بين إديه وفى أحضانى

تشكى قلوبنا غرامك وغرامى

مصر مبتلية ... للأديب الشاعر/ صالح سالم - المصرى

مصر مبتلية

خلصنا من أبو شرعية

و من قبله بتاع الجوية

أتبلينا بحكومة ببلاوية

هدفها الغباء بالأقدمية

حرفت العدالة الأجتماعية

تاخد من الغلابة للطبقية

اقتصادى فاشل للمالية

أخ التأمينات نفس البلية

ضيع حقوق الناس التأمينية

و الحليوه آبن الأمريكانية

عاشق أجندة البرادعوية

للعمالة و خيانة الوطنية

و بتاع للعدالة الأنتقالية

لا بينفذها و لا به معنية

نخرج من نقرة للأولانية

و مستورة معاك يا بهية

سفينة الأيام ... للأديب الشاعر/ صالح سالم - المصرى

سفينة الأيام

سفينة الأيام تسير فى بحار الحياة

تلاطم الأمواج وتواجه الأنواء العتاة

بطيئة المسار بمدائن الصبا القهرية

وسريعة بمراسى الشباب العصرية

فتذهب ببعضهم إلى دوامات مهلكة

وقليل ترفعهم قمم الرفعة الممكنة

تجمع بين الرفاق بمسارات مختلفة

تفرق بين العاشقين لأسباب واهية

ثم تميل الى التسكع بخطى وردية

لتستقبل خريف أصاب ثورة شبابية

فتعجل بنقل ركابها الى رحلة أبدية

وآخرين يكابدون خريفهـم بالحيوية

والأخيرة تختار الوحدة و الوحدانية

سبحان من له الدوام والسرمدية

بنحبك يا مصر ... للأديب الشاعر/ صالح سالم - المصرى

بنحبك يا مصر

قال يا مصر خانوكى الخوارج 

و احنا لم خنا

مرشدهم الخاين قال طظ فى مصر 

و احنا ما قولنا

لو يوم نقولها يتقطع لينا لسنا

دى مصر بلدنا ترابها حنة من الجنة

هيرودوت قال دى مصر هبة النيل

من غير ما يعرف رجالنا

و كل من شاف الأهرام عرف 

قوة و عزيمة رجالنا

حضارة و تاريخ محفور على جبالنا

و دلوقتى العالم شاف السيسى

ابن مصر راجل و ما أشجع رجالنا

يا مصر عاشقينك و ف دمنا نيلك

سمارنا من لونك و سكرنا من طينك

بالغالى يا مصر نفديك

و أروحنا فدا ليك

كم من نبى اتربى على أرضك و عاش فيك

الرب كلف يوسف من القحط يحميك

ياحضن العذرا و المسيح موسى اتولد فيك

حفظه النيل و شب فوق أراضيك

كلمه ربه و تجلى عليه فوق أراضيك

ماريا مصر القبطية كانت هدية لنبيك

و هلال و صليب رفعوا راية حواريك

لا جيوش هكسوس و لا تتر قدروا يهتوك

و جيوش كثير غزتك اندفنوا فيك

و اسأل حايم برليف عن خط الدفاع التكتبكى

اسأل اسرائل بنت امريكا أيه جرى ليك

على الدوام عظيمة يا مصر 

بين الأمم مفيش شبيه ليك

مرحب قمر الألفية ... للأديب الشاعر/ صالح سالم - المصرى

مرحب قمر الألفية

قمر الألفية نور الأعتاب

و علقنا صوره ع كل باب

بكل الشوق و الترحاب

بشرى بإنحسار الإرهاب

و دعوة مسيلمة الكذاب

نجاة مصر من الأغتصاب

نجاة دور العلم و الطلاب

عودة وطن بعد الأغتراب

نصر للدين الحق و الآداب

رئيس جديد يفتح الأبواب

يرفع مصر فوق السحاب

رخاء وفير و زواج الخطاب