حبك نور وجدانى ... للأديب الشاعر/ صالح سالم - المصرى

حبك نور وجدانى

حبك حبيبى نور وجدانى

غيرنى و صحح عنوانى

رجع لى عمرى من تانى

حبك علمنى سهر الليالى

أضم طيفك و كل الأمانى

أكتب فيك أحلى الأغانى

يعزف قلبى أجمل ألحانى

أراقص قلبك بين أجفانى

ألملم أشواقى بأحضانى

اختزنها ليوم فيه تلقانى

لأودعها فى قلبك الخالى

تحفظه حتى اللقاء التالى

زمن الهارب الملعون ... للأديب الشاعر/ صالح سالم - المصرى

زمن الهارب الملعون ...

فى زمن الهارب من سجن وادى النطرون

افترش المساجين المقاعد ليملأوا العيون

صاحوا فى كل مبدع و حاصروا الإعلاميين

غاب عنهم التعقل يصدقون ما به يكذبون

الغباء مرشدهم المفضل لأوامره منصاعون

جلسوا لصوصا و قتله بالشورى بتشاورون

يحرفون الحق كذبا بجهلهم ليكتبوه قانون

للحق رجال بالأزهر و الدستورية مرابضون

و إن كادوا لهم أو حاصروهم فهم الغالبون

لن تبيعوا مصر بصكوكم بل أنتم الواهمون

و قتلكم لجنود مصر عنه سوف تحاسبون

أنتم و من حالفتم لقتلهم من الحماسيون

كما قتلتم شباب الثورة و لأفعالكم تنكرون

ضاقنا بغبائكم العميق و إنكم به لمقتولون

اعترافات عاشق ... للأديب الشاعر/ صالح سالم - المصرى

اعترافات عاشق

حـبــــك ملك روحى

همسك ملك عقلى

قلبــــك ملك قلبى

حـنانـك ملك وجدى

عطفـك ملك نفسى

لمسك ملك حسى

صوتــك ملك سمعى

عطـرك ملك ذوقى

 نـورك  ملك صبحى

قمــرك ملك ليلى

غرامـك ملك شوقى

 شوقك ملك الأمانى

إلهامك ملك قلمى

طـيفك ملك أحلامى

ياه كلك ملك عمرى

حب و افرح ... للأديب الشاعر/ صالح سالم - المصرى

حب و افرح

يا قلبى حب و افرح بحبايب فرحونا

نسيت عذابك و اتلاموا اللى لامونا

الجرح طاب و اتجرحوا اللى جرحونا

ربك كبير نصرنا و خذل اللى باعونا

يتسولون الحب صدقة بعدما فاتونا

الحب سر أسرار الحياة فيه علمونا

أن الغدر ندم و مرار و عليهم فرجونا

حب و افرح يا قلبى و ادعى للحبونا

راح عذابك و ابتدا عذاب اللى عذبونا

معدنك أصيل يا قلبى لكن ما عرفونا

بعد ما اتحبينا بيبكوا علينا اللى رمونا

بدل الدموع دم عمرهم ما هيعوضونا

اللهم لا شماته بأحد ببعدهم ريحونا

سماح يا دنيا ... للأديب الشاعر/ صالح سالم - المصرى

سماح يا دنيا

أنا كنت مخاصم الدنيا 

و حبك صالحنى عليها

خلاص سماح يا دنيا

بعد ما شفت عنيها

رجعت لى الأحساس

بلمسة حلوة من أديها

و القلب رجعت له دقاته

مفيش و لا غلطة فيها

عمرى ابتدى من جديد

حاسس إنى رضيع وليد

عمرى قبلك كان بليد

كان حجارة كان حديد

بحبك و أنت عنى بعيد

و يوم قربك أحلى عيد

حكم المتأسلمون ... للأديب الشاعر/ صالح سالم - المصرى

حكم  المتأسلمون

عرفت طعم الاحتلال .. 

وعينى بالقين شافت الاندال .. 

و ودانى سمعت الكدب و الكلام البطال .. 

شفت مصر بلدى مقطعة الاوصال .. 

صرت غريب فى بلدى لا ارى الا اشباه الرجال .. 

مهما طال يا بلدى عليكى الاحتلال .. 

بكره جاى بيتولد تحت الظلال .. 

فارس مصرى أصيل مدنى و ابن حلال .. 

رافع شعلة الامل و الانتصار يخوض فى حبك الاهوال

--------------------------------------------------------------

ثورة ثورة على الخرفان

ثورة و قايمة فى كل مكان

يسقط حكم المرشد الجبان

يسقط خيرت و العريان

يسقط مالك و غزلان

ثورة ثورة فى كل مكان

حتى يسقط الطغيان

-----------------------------------------------------------

جماعة اليهود المتأسلمون بكره تغور

و يطلع فجر جديد و بلادى تشوف النور

و نعيد أمجاد كتبوها الأجداد بحروف من نور

يحكى عنها أبو الهول لأحفادنا عن العبور

من نهضة الفوضى إلى جنات و قصور

و زى ما غيرهم غار بكره عليهم الدور

---------------------------------------------------------

مصر هتفضل غالية عليه

يسقط الأخوان و السلفية

بقايا الجهل زيول الرجعية

و تحى مصر دولة مدنية

خيال عاشق ... للأديب الشاعر/ صالح سالم - المصرى

خيال عاشق

تخيلتك ست النساء

توسمتك أبلغ العقلاء

رأيتك نجمة فى السماء

طرقت فيك أبواب الوفاء

و أسفا خاب فيك الرجاء

فإذا أنت للحرب بوق نداء

و للعشير كرب و بلاء

صحراء تموج بحر الرمضاء

*******

يوم التقينا

افتكرت إنى يومها لقيت نفسى

لكن اتضح إنى لقيت فيك نحسى

أتارى أن للحقد و الغيرة رجلين بتمشى

و عيون كعيون البقر تحسد متفهمشى

و جسم فيل و عقل عصفور مبيطرشى

و حب الدنيا و الدنيا مبدومشى

رأيت الشح مجسدا و البخيل ميحلمشى

************

تمثال من جليد

نحت لحبك أروع تمثال

ليكون حاضر و مستقبل

أتيت به من عالم الخيال

تحديت به الموت لا يبيد

لكن قلبك المتمرد العنيد

حول منحوتى الى جليد

لك وحدك ... للأديب الشاعر/ صالح سالم - المصرى

لك وحدك

لك وحدك أكتب بقلبى حروفى

قوارب احترامى لك و راية أشواقى

لقلب ناصع و حواس تقراء حروفى

قد يسبق الرحيل الزمن فلا تخفافى

و يبقى ازيز حيك مغردا فوق القوافى

ملهما لقلمى مداده عطرك الصافى

فكم عطرت به أوراقى و زين صحافى

يسا مرنى فى ليلى ونيس لا يجافى

أنام على راحتيه حتى ابلغ نهار صافى

أبحر فيه فأجد مرساتى و ضفافى

أخالك هناك تعضدى عزم مجدافى

فيعزف القلب لحنه و تذوب شغافى

و ترحب الحواس بلقاء حبيب موافى

يقبل الليل بأجنحته السمراء متخافى

أطير بها اليك مصتفا لشهدى اصتفافى

أنقش فى حبك حروفى فتصير قوافى

حتى يبقى الحب ... للأديب الشاعر/ صالح سالم - المصرى

حتى يبقى الحب

بين أحضانك أنسج أحلامى

و على كفيك أخط عنوانى

و عند قدميك أبنى أهرامى

و من بريق عينيك ضى أيامى

أعادنى حبك لقلمى و أحساسى

بعد أن تاه قاربى بين المراسى

على صدرك تحطمت أحزانى

و بحرارة أشواقك أحرقت الماضى

و من صوتك و رنين ضحكاتك إلهامى

حبك ملأ بكل السعادة قلبى

بعد حب أرق مضاجع جمبى

نثر بحياتى عبير العطر الوردى

أزال من طريقى أشواكا تدمى

جدد جدران القلب فتدفق دمى

يسرى فى عروقى جدد وجدى

فاعمرى ما بنيتى و ما جددتى

و لا تخربى كسابقتك ما بنيتى

فانهارت عليها الجدر من حيث لا تدرى

و شقة الدموع على خديها بحر لجى

و بعثرت رياح الحزن شعرها الفضى

فأسخنتها فصارت بحروفها تعوى

أسكنتها يوما قلبى فلم تعرف قدرى

من غير ليه !!! للأديب الشاعر/ صالح سالم - المصرى

من غير ليه !!!

ليه دلوقتى عيوبك بدأت تظهر

و قيمتك فى عنيه بدأت تصغر

فكرت قلبك كبير و بيفهم أكثر

نسيتك و نسيت زمانك الأغبر

لقيت الخير و شجرى خضر

ودعت كابوس و حلم مكشر

على إيده كنت هضيع و اتأثر

روح كفياك بغدده و بلاش تتأمر

لا عين و لا سن و ضغط و سكر

مفيش فيك حاجة سليمة تعمر

حللت ماضيك عرفت أنك شرشر

مصر للمصريين ... للأديب الشاعر/ صالح سالم - المصرى

مصر للمصريين

مصر يا مهد الحضارة و الأديان

أحذرى سفاهة ثلة الإخوان

سرقوا ثورتنا على الطغيان

هم للجهل بوق برؤس غربان

لا رشد لهم و مرشدهم جبان

سلبهم البصر و البصيرة قطعان

يقودهم كما نقود قطيع الخرفان

بعد أن نكحتهم كلاب السجان

الآن يؤسسوا لتفتيت الأوطان

خفافيش تحالفوا مع الشيطان

متعطشون للسلطة بعد الهوان

هيهات فمصرنا محفوظة بالقرآن

لا يخضعها جاهل أو يثنيها طغيان

حكايتى مع الزمان ... للأديب الشاعر/ صالح سالم المصرى

حكايتى مع الزمان 

أنا اللى خد منى الزمان ما ادانى

زرعت الأمل طرح أحزان و ادانى

الحب من قلبى وزعته راح و لا جانى

و الغدر طبع البشر ليه يا زمانى

بحب كل الناس و الناس نسيانى

هى الدنيا كده و لا عشان راح مالى

باعونى الحبايب يازمن من قبل خلانى

يا دنيا ليه أسية كده و ليه معندانى

و لا قلبى الطيب جريمة عليه معقبانى

يارب وحدك عالم بحالى و أحزانى

أنت وحدك غيرك مليش إلاه تانى

طالب رحمتك و لا لحظة تنسانى

زمانى عشته بهديك آياته قرآنى

فارفع كتابى و تقبل منى إحسانى