قطار و قطار و أرواح ... للأديب الشاعر/ صالح سالم - المصرى

قطار و قطار و أرواح 

‏

ليه يا قطر سكتك بقت

سكت اللى يروح ميرجعش ؟؟؟

ترمل نساء و تيتم أطفال

انتظروا الأب

و الأب راح و مرجعش

و عروسة راحت تجيب جهزها

لكن العريس بعروسته مفرحش

و أرملة بتسعى على صغارها

خرجت تبيع الجبنه

علشان ولادها متجعـش

ليه قسوتك تشبه

قسوة مسؤل مينفغش ؟؟؟

خلاص كرهت أهلك و ناسك

و بقة عشرتك متنفعش !!!

يمكن تكون زهقت قرفت

من حكومة الكوارث اللى بقة متصلحش

هما يركبوا الفل أبشن

ما هم فى الأصل كلهم رجال أعمال

و لو اهتموا بغير مصالحهم مينفغش

  عاشيين فى قصور

و أحنا نموت على السكة

فوق الجاموسة و الجحش

دا كبيرهم

نايم فى قصره

مـبـيـتـلـحـلـحـش

في 25 نوفمبر، 2009‏، الساعة 09:43 مساءً‏‏

عصابة العسكر ... للأديب الشاعر/ صالح سالم - المصرى

عصابة العسكر

من الأخوان لشفيق يا قلبى لا تحزن

كلاب ضالة بتلاعب عصابة ديابه محترفه

كل علمهم بالدين جلابيه ولحية مختلفه

الكذب عندهم مشروع والقلوب مؤتلفه

فرح الكلاب بالكراسى عضمه ولا فاهمه

دى عصابة متأسسة فروعها بكل دولة

الظلم ونهب البلاد عندهم لعبة ومقاولة

حافظين اللعبة عن سيدهم المخلوع آونه

صعب عليهم يورث ابنه وقالوا إحنا أولى

نقف معاهم نساندهم ونكسب الجولة

بعد ما يتخلع من العزبة نراضيه ونقوله

مش بإدينا يا كبير وكلنا مكانك رئيس دولة

محاكمة صورية ورعاية صحية كاملة

طيارة مخصوص وراحتك فى المحكمة أمله

الجماعة أيها شوية كلاب أسميهم مسجلة

وقت اللزوم نلمهم مربطين بتهمه وسلسله

كدبوا والشعب كرهم واتنتهت المسأله

شفيق حبيبك ووقف معاك من أول وهلة

نرجع العزبة من تانى بلعبة وخدعه سهلة