إسكندريه بهـية ..... للأديب الشاعر/ صالح سالم - المصرى

إسكندريه بهـية .....

 

  إسكندريه جنة بلدى العزيزة البهية

بشوفها بعيون ياسين عاشق بهية

ياخدنى الشـوق بشوقـك تضمينى

أغـوص فى بحــرك ملحــه يداوينى

و لسحـرك عاشـق أنشـد دواوينى

تحت شمسية ساعة عصارى تلاقينى

عن حبك اكتب و إلهامك قصيد بدواوينى

فرحـت لقاكى يا غالية هى ضيى عينى

و أنا مهما خدتنى المدن شوقك ينادينى

أسيب الدنيـــا و اجـرى أضمك تضمينى

تمسحى دمعى تزرعى الأمل بسنينى

أقولك خلاص مسافر بعدك على عينى

تقولى بألف سلامة مهما تبعد هتيجنى

يا بهية الذكرى أمانة أوعى يوم تنسينى

يا أجمل ذكريات عشتها معطره سنينى

بكره راجع أسهر معاكى أشكى غربتى

و على رملك أرمى همومى من دنيتى

أيدك فى أيدى عـ الشط نمشى نتمنى

شمسك وقت الغـروب تدعى لنا نتهنى

تضحك تغوص فى بحرك و لنورها نستنى

يطلع علينا القمـر فـ قعـدة سمـر بنغنى

يعطرنا نسيمك يطلع علينا الفجر متحنى

نسجد و نشكر ربنا فـ ابوالعباس و نصلى

اللى يعيش معاكى يعيش العمر متهنى

في 17 يناير، 2010‏، الساعة 03:32 مساءً‏‏