فـاكـرهـ يا مـصـــر .....
( ملحمة مصرية )
فاكره يا مصر
الله عليكى يا مصر يا ام القلوب الطيب
يوم ما تقولى آه كل القلوب حواليكى قريبة
تمسح دموعك تشفى ألمك وطيبه
فاكره يا مصر
فاكره يا مصر لما كنا نسهر على شط قنالك
وكان يهجرنا النوم لا يهنالنا ولا يهنالك
واحنا شايفين على الشط التانى لقنالك
عدو استحلى القعدة وبنى وعلا برمالك
فاكره يا مصر
حلفنا يومها واحنا سهارى نشفى غليلك
بأروحنا ودمنا اللى روتهم مية نيلك
نحرر أرضك ونطهر رملك نرفع رايتك و نجيلك
فاكره يا مصر
فاكره يا مصر جرجس ومحمد فاكرة فواز ومكرم
دخلنا الحرب وكان عندهم الموت أكرم
من أن عدو يدوس على أرضك يدنس رملك
فواز بينادى استنى يا مكرم ضربهم قتلهم أستشهد
سبقتنى يا مكرم هاخد تارك حالا دى الشهادة أكرم
جرجس بينادى فواز أضرب
أضرب جمبك ضرب أستشهد
جرجس صرخ فواز مكرم
شرفتوا بلادكم دى الشهادة أكرم
محمد بينادى معايا يا جرجس
أضرب نار حرر أرضك من الاستعمار
قضينا عليهم قتلناهم أسرناهم
وجرجس ومحمد بأديهم
رفعوا فـ السما رايتك .. راية الأنتصار
حطينه على جبينك أكاليل الغار
فاكره يا مصر
أيوه طبعا فاكره حرب أكتوبرعزى ونصرى
منستش ... فاكراكم واحد واحد عربى ومصرى
حتى انت اتصبت فى كتفك جريت ضميتك لصدرى
وبحبى دويتك وشفيتك دا انت وهما أعز ولادى
اللى بأرواحهم ضحوا لهم فى قلبى نصب تذكارى
كتبت عليه بحروف من نور كل أسامى أغلى ولادى
مكرم .أحمد .فواز.مدحت.فيصل.وصفى.عبدالهادى
هى الأم تنسى ولادها دا أن غابوا عنى بجرى ونادى
لكن اكبر همى فى الأيام دى اللى بيحصل لاولاد عمى
وقت الحرب وقفنا فى وش العدو كده أيد واحدة
فرحت وقلت عاش العرب رجعنا تانى أيد واحدة
وكان ما كان وغيرهم الزمان وضاعت من تانى الوحدة
في 25 أبريل، 2010، الساعة 10:33 مساءً
