دستور يا إخوان
ياريت نفهم كلمة دستور يا أخوان
دى كلمة بالعامية معناها استئذان
أذن دخول أو خروج لإغراب عميان
بالنحوى نقول عنها هى ظرف مكان
أما المقصود بيها فى كلامنا الآن
أمر عظيم صعب الفهم على غلمان
عاشوا و اتربوا على أيد سجان
نظرتهم أقصاها برش فى ليمان
أو كذبه كبيرة يدخلوا بيها برلمان
بكل بجاحة يستولوا على اللجان
ما هو ده طبع الجاهل عايز يبان
منخيره يصغرها و يعمل شو و أعلان
خلاص الشعب عرفكم و آخركم بان
خونة ده تاريخكم و مجلسكم خربان
لا نصف مظلوم و لا حمى أوطان
تحالفتوا مع العسكر ع الشعب الغلبان
لبسوكوا العسكر طرح النسوان
دلوقتى بتصرخوا و تقولوا هننزل الميدان
الميدان متبرى منكم رحوا بكذبكم أى مكان
سحبنا منكم الثقة و كل اللى صوت لكم ندمان
