لسه قلبك خايف ؟
لسه قلبك من بكره خايف و بيفكر
و الحب ف قلوبنا ساكن و متعطر
حبنا قدر و كتاب مكتوب و مسطر
لو الفراق الحل مكنش البشر تكتر
الصبر أكبر دوى للى زمانه اتعكر
أيامه برد وغيوم و نورها متكسر
الشتا فصل محتوم من أيام بتتغير
عمره صغير فى قلب إصراره بيكبر
لسه قلبك خايف؟
طيب قول لى بخوفك أيه حواليك اتغير
تعرف تحب غيرى ؟ تقدر لقلبك تغير؟
أن كنت تعرف و قادر روح بلاش تتحير
و يخاصم النوم عيونك سهران و بدور
يطلع عليك النهار تتمنى شمسه ما تنور
حرام تعيش بقية العمر فى سؤال متكرر
لسه قلبك خايف ؟
أحلف لك بربى أنى ما يوم عن حبك أتغير
سعدك هنايا و همك شقايا أكتر ما تتصور
أن معرفتش أو مقدرتش أكيد أنا حبى أكبر
القلب شايلك ليل و نهار فى سعادتك بيفكر
لسه قلبك خايف ؟
بكره صفحة مطوية فى كتاب الزمن الكبير
نصبر و نتمنى تفيض سطورها بخير وفيـر
يطلع علينا النور نغزله بفرحتنا توب كبير
لسه قلبك خايف ؟