عـيـد الحب
عـيد سعـيد للى فى الحـب مخـلصين
لكل الحبايب اللى على حبهم خايفين
لكل إيد ضامه إيد ع الحب متعاهدين
لكل قلب طيب داق الحب مش عنيد
لكل الناس عيد الحب هو أحلى عيد
فى عيدكم نبارك ونهنى بالزغاريد
لقلوب جميلة العيد دا ليهم أول عيد
يفرحوا ويتهنوا والكُره يبقى بعيد
اللى مشفش الحب نقوله مد الإيد
الحب هدية توصل من غير مواعيد
ندعى للغدار يتوب يرجع قلبه جديد
الحب الحقيقى الطاهر يكبر ويزيد
