حبيبتى سحرانى
يا ام الخد مرمر ضحكته نغم والعيون غزلانى
أما الشفايف سبحان من صور و القد آه يانى
شغلتى القلب برقتك و العين يا حلوة سحرانى
لما النسيم بيعدى شايل نسايم عطرك الربانى
بيخطف قلبى خطف على فين خطوتك وخدانى
أعدى كل البحور يقولوا العاشق رجع تانى
أرد أقول عاشق يا أهل الهوى حبيبتى سحرانى
فين ألاقى الدوا و كاس الصبرعمره ما دوانى
خطوته بترن فـ قلبى أسمعها كأن صوته ندانى
دى رنة خلخاله و لا الهوى بيلاعب قلبى و أشجانى
أجرى ع الشباك ألاقى مية الورد بيرشها البستانى
ألمح حبيبى ع البعد معدى أنسى همومى و أحزانى
ألملم أشواقى و أرمى روحى ف طريقه و كل وجدانى
أفرش لك قلبى تمشى عليه بخطوتك و لا يوم تنسانى
يالى أنت واخد قلبى و مهجتى لفين خطوتك وخدانى
فى 11/12/2010 4:57 ص
