أنت و بس ... للأديب الشاعر/ صالح سالم - المصرى

أنت و بس ...

أنت و بس اللى قلبى حبك

وصان بعادك وعاش قربك

كل مناه يقضى العمر جمبك

فهمنى ليه هجرك وليه صدك

أنت وبس اللى قلبى حبك

حتى الليالى بتسألنى عنك

قمرها خايف أكون ظلمتك

وشهدت نجومه إنى بحبك

أنت وبس اللى قلبى حبك

دا غيابك حرم عيونى النوم

خلانى عايش بعدك محروم

والعمر بعدك ما يساوى يوم

أنت وبس اللى قلبى حبك

القلب فاض بيه ومستنى

بكلمة منك هيعيش متهنى

يفرح بقربك ويرجع يغنى

أنت وبس اللى قلبى حبك

بكره يا حبيبى ... للأديب الشاعر/ صالح سالم - المصرى

بكره يا حبيبى

بكره يا حبيبى

بكره الهم يودعنا

بكره الحب يملا ربوعنا

بكره الفرحة تملا وجوهنا

بكره يا حبيبى

بالحب نحضن بعضنا

و كل الخير يملا ارضنا

نبنى و تعلا مصرنا

بكره يا حبيبى

بكره الكون حوالينا

يتعجب و يشاور علينا

و امريكا تبوس رجلينا

علشان نرضى عنها

بكره يا حبيبى

بكره نجاور القمر

بكره يخضر الشجر

بكره نقول الحب انتصر

بكره يا حبيبى

بدور عليك ... للأديب الشاعر/ صالح سالم - المصرى

بدور عليك

سنين من عمرى ضاعت 

بدور عليك

يوم ما قابلتك أنت

عرفت إنك أنت

اللى ضيعت عمرى

بدور عليك

حبيبى تعال .. تعال تعال

خدنى بين إديك

تعال نعوض العمر اللى ضاع

و أنا بدور عليك

نعيش بره الزمن هناك

فوق جزيرة حب

على نغمة أهواك

نبعد عن أى عزول

صدقت ما قلبى لأك

بعد ما كنت

بدور عليك

يكفينى قربك ... للأديب الشاعر/ صالح سالم - المصرى

يكفينى قربك

قربك نعيمه يملا الكون

و بعدك عذاب و جنون

و ضحكتك سحر

ربك بإيده رسم العيون

و صوتك دافى و حنون

و مهجتك بكر

روحك الحلوة كنزك المكنون

لا هنت و لا يوم حبك يهون

و شفايفك خمر

ميزة جمالك بياض اللون

صورتك هزت كل الفنون

و الثانية بقربك عمر

حبيبى تعالَ ... للأديب الشاعر/ صالح سالم - المصرى

حبيبى تعالَ

حبيبى تعالَ 

نلملم الأشواق

نحضن حبنا

و ننسى الفراق

دى مشاعرنا الجميلة

منهج وعلم للعشاق

حبيبى تعالَ

نبنى للحب قلعة
تهزم جيوش الفراق

ننسى فيها أسامينا 

وندوب مع الأشواق

نبدر فرحنا حوالينا

ورد وياسمين أطواق

حبيبى تعالَ

ف الحب ندوب عمرنا

و الرزق على الرزاق

دى قلوبنا مهياش ملكنا

جمعها رب عظيم خلاق

بحكمته حفظ حبنا

بلاش نسلم للفراق

حبيبى تعالَ

تغيب عنى ...للأديب الشاعر/ صالح سالم - المصرى

تغيب عنى

تغيب عنى و شوقى يزيد

و يجينى طيفك أمد الإيد

لفرحة لقا بنا من غير مواعيد

احضنه بقلبى و ابقى سعيد

و معاه أعيش أحلى ليلة عيد

كأنى حبيبى بحبك من جديد

ياخدنى الشوق على جناحه

ليوم سلمتك قلبى و مفتاحه

و كل مناى هو لقاك و أفراحه

أيام غرامى معاك منسهاش

و أحلى أيام قلبى فيها عاش

كفاية غياب و تعالى نعيش

دا عمر واحد لحبنا ميكفيش

من غير حب مين يقدر يعيش

أنساك ؟ ... للأديب الشاعر/ صالح سالم - المصرى

أنساك ؟ 

أوعى تفكر إنى نسيتك

ولا عيونى فارقت شباك بيتك

لازم تعرف إنى هويتك

و فرحت عمرى إنى لقيتك

مناى ترتب كل حياتك

تمحى الماضى من ذكرياتك

و تعيش الحب اللى فاتك

أنا مهما قلت إنى هويتك

مقدرش اوصف لك قد آيه حبيتك

جوه القلب بنيت لك بيتك

عايش لصورتك و كلماتك

لما تعدى على تسحرنى خطواتك

و اما تكلمنى تدوبنى همساتك

و إن غبت عنى اشتاق لطلتك

بحلم بيوم تجينى و تسبق مهجتك

تهمس لقلبى بسر محبتك

رغم إن صورتك حكت لى و سبقتك

لكن نفسى اسمعها منك برقتك

قولى إزاى أقولك ... للأديب الشاعر/ صالح سالم - المصرى

قولى إزاى أقولك

محتار فى حبك مش قادر أقولك

إنى بحبــك ... قولى إزاى أقولك

أنا هابعت كل ثانية رسول لقلبك

يوصف حالى و هو أكيد راح يدلك

و افضل أحبـــك من غبر ما قولك

إنى بحبـــك ... قولى إزاى أقولك

قلبى اللى حبــــك مستنى رد منك

هايم حواليك بدقاته نفسه يقولك

حلم عمره أنه يعيش العمر جمبك

و افضل أحبـــــك من غبر ما قولك

إنى بحبــــك ... قولى إزاى أقولك

روحى عاشقه روحك و خفة ظلك

عاشق نظرة عنيك جبينك و خدك

بدعى لربى يصون روحـك و قـدك

و افضل أحبــــك من غبر ما قولك

إنى بحبــــــك ... قولى إزاى أقولك

موال الحنين ... للأديب الشاعر/ صالح سالم - المصرى

موال الحنين 

يالى نسيت الحب تعالى

و اسمع ليه

بعد ما دوبنا الشوق و داب

و الحق عليه

خنت حنانى و بعت زمانى

و اديت ضهرك ليه

لا انت و لا أجمل منك يقدر يملى

شروطه عليه

عمر الحب ما كانت قيمته فلوس

مليون و لا ميه

دا الأمان كله حبى ليك

و حبك ليه

يا ما نديتك و استنيتك 

تسمع ليه

كبرت دماغك و طاوعت شطانك

مسئلتش فيه

و بعد ما ضاع الحب رايح جاى

تشتكى و تجيب الحق عليه

أنا حبيت و نسيتك و نسيت

غدرك بيه

و حبيبى معاى و بيشكرك على

أغلى هديه

مش فاضل منك غير ذكرى تموت

و تصحى كل شويه

تفكرنى بيك بدمعه حزينه

تملا عنيه

أما انت مهما هربت بعيد

من حبك ليه

هيفضل طيفى معاك بفكرك

بغدرك بيه

فتحى يا زهور فتحى ... للأديب الشاعر/ صالح سالم - المصرى

فتحى يا زهور فتحى 

فتحى يا زهور فتحى
فرحى القلوب و افرحى
يا فراشة قلبى 
طيرى و امرحى
و ضمى الأشوق
و بلاش تسرحى

فتحى يا زهور فتحى

دا قلب حبيبى جنينه
كلها حب و ازهار ملاينة
الورد مفتح فيها
و فى كل خميلة دعينه
نقطف أزهار الشوق بإدينه

فتحى يا زهور فتحى

و هوانا يبان فى عنينه
و نقول للناس احنا هوينا
حبينا الورد و شوقه ملانا
و عبيره بيعيش حوالينا
و أمانة تحبوا أمانة
و عيشوا الحب معانا

فتحى يا زهور فتحى

حبيتك يا ابو قلب جميل ... للأديب الشاعر/ صالح سالم - المصرى

حبيتك يا ابو قلب جميل

حبيتك يا ابو قلب جميل

وف حبك عندى ألف دليل

تنام عيونك

وتسهر عيونى الليل

صورتك ف قلبى 

ومليش ف حبك بديل

يزورنى طيفك

والعمر كله ف حبك قليل

حبيتك يا ابو قلب جميل

بعت لقلبك مليون مرسال

ولا مرة جانى الرد

دا انا قلبى شريك

والعين ما شافت زيك قد

ف قلبى شايلك

وفكرى بيك مشغول وعليل

حبيتك يا ابو قلب جميل

حلفتك لما تعدى ترمى السلام

بإشارة حتى من غير كلام

بنظرة حلوة أو ابتسام

دا انا قلبى ف حبك كواه الغرام

وشوقه ليك

ما يوصفوش الكلام

بس أنت سلم

لجل تشوف الدليل

حبيتك يا ابو قلب جميل

سماح يا دنيا ... للأديب الشاعر/ صالح سالم - المصرى

سماح يا دنيا

أنا كنت مخاصم الدنيا 

و حبك صالحنى عليها

خلاص سماح يا دنيا

بعد ما شفت عنيها

رجعت لى الأحساس

بلمسة حلوة من أديها

و القلب رجعت له دقاته

مفيش و لا غلطة فيها

عمرى ابتدى من جديد

حاسس إنى رضيع وليد

عمرى قبلك كان بليد

كان حجارة كان حديد

بحبك و أنت عنى بعيد

و يوم قربك أحلى عيد