ليلة الحنة
يا ام العروسة حنى العروسة الليلة
دى فرحة و جمعت أحباب و عيله
أفرحى يا عروسة دى ليلة الحنة الليلة
والليلة الجاية دى ليلة العمر و اجمل ليلة
تعيشى و تتهنى و فـ قصرك بكره أميرة
و انت ياعريسنا تتهنى بعروسة جميلة
تسعد قلبك بالحب تعملوا عيلة أصيلة
وام العروسة الليلة فرحتها فرحة كبيرة
قام العريس ميل على ايد حماته يبوسها
قال شكرا ياعمى هديتك ربنا يحرصها
اشيلها فى نن عينى و جوه قلبى احفظها
ام العريس بالفرحة ذوقت طرحتها
زغردت حضنت العروسه باستها
العروسة باستها شكرتها على هديتها
ابنك فى قلبى يا غاليه و عليتكم انا حبتها
اصون ودادك و تزيد فى العمر محبتها
الكل فرحان دى ليلة الحنة جميلة فرحتها
أهداء الى كريمتى الثانية سمر فى ليلة حنتها 15/12/2010
