مصر بولادها أمة واحدة ..... للأديب الشاعر/ صالح سالم - المصرى

مصر بولادها أمة واحدة

النور فتح عنيه لقى مصر كبيرة منورة

استغرب قلها أزاي يا مصر انت منورة

ضحكت و قالت أنا بهية بولادى منوره

و ده عقدى حباته أصيلة لولى منوره

دلياته هلال و صليب نقوشها مغفره

ملضومة بخيط متين و لا شئ يغيره

دى أرضى و دى سمايا برحتى معطره

دى كنيسة دا جامع أصواتهم لله مهللة

دا نسيجي و رايتي فى سمايا مبهرة

لون اسود رمز لأيام كانت صعبة غابرة

و لون الصفا الأبيض يحرسه نسرى عنتره

و ده لون الفدا دم ولادى دفنوا عداى بمقبره

روح يا نور انشر على الأرض السلام و التحية

  أحكى لشعوب الدنيا حب الولاد لامهم بهية

كلهم ايد واحدة عايشين حراس دماهم ذكية

  إرادة وعزم مفيش مكان بينهم للبلطجيــة

في 21 يناير، 2010‏، الساعة 12:50 صباحاً‏‏