مصر والأحزان
يا مصر سلامتك من الحزن والضجر
سلامتك يا مصر من الدمع والسهر
سلامتك من نفس داخل خارج يتقهر
فضفضى وإشكى لولادك أيه الخبر
...
أيه يفرحنى والحزن مكتوب ومقدر
بعيشه كل ما اشوف الصغير يكبر
وتتفرش سكته بإشى أحمر ومعطر
والغفر حاوليه سيول ومطره بتمطر
سرقته الدنيا وكلامه الجميل أتغير
صدقونى أنا بس والكلام كله يحير
ومحدش بعدى يتكلم ولا حد يتصور
خايفه عليه انصحه يزعل ويتهور
الصمت للأموات والكلمة للعتمة بتنور
صحصح للغفر وبسببهم الحكم بيتغير
الدكش يكرموه والمشتبه فيه يتفرفر
قصروا رقبتنا وايطاليا ورآنا بدور وتحفر
ربنا يعينك عليهم وتقدر تطور و تطهر
