تستاهل
جربت جرح المشاعر و جرح التهديد ؟
بيوجع ؟! صح .. و كمان وجعه شديد
أتمنى أنك تتعلم آداب الحب من جديد
الحب عمره ما كان شك وغيره ووعيد
لا تهديد بقرار فراق أو تحول وتجميد
الحب فرحة تمام زى فرحة يوم العيد
ثقة وحنان أكيد من غير دماغ عنيد
أساسه الاحترام والوفا مش التنهيد
مهواش ظنون وأوهام و نكد وتنكيد
كنت فاكر بعدى خلق منك إنسان جديد
لقيتك أنت زى م أنت قريب كنت أو بعيد
قلبى منك تعب وللقصة مش ناوى يعيد
أو تكون فاكر إن بكتر قرارتك قلبى سعيد
تبعد وترجع بمزاجك واحنا فـ نظرك عبيد
زهقت من خوفك و قصص شكك الشديد
الحب انطلاق مش مراقبة وتقيد
الحب ذاته أبداع مش ادعاء بليد
أبداع فى تصويره للحبيب بالأيد
بالشعر أو بالرسم وبكل جديد
حق الدنيا تشوف أبداعات الإيد
تشكر أو تنقد أو تعبر بما تريد
انت زى م انت اخر كلامك تهديد
حكاية عمرنا انتهت بدون تجديد
اتعلم آداب الحب واعتذر هكون سعيد
اللهم بلغت و أنت الشاهد والوحيد
