يا ابو قلب خالى
قولى ليه تشغلنى يا ابو قلب خالى
لما على تعدى معرفش ايه بيجرالى
بتوه واتلخبط بين واد عمى وخالى
من يوم ما شوفتك اتبدلت أحوالى
ومبقتش عارف يمينى من شمالى
ولا فين هدمتى ولا عارف الف شالى
أقول لروحى أنا بكره آشكيله حالى
يمكن عنده ألاقى حل ودوا لأحوالى
وكل ما أقرب منه أتخلبط ويتربط لسانى
يعدى هو وأنا أفضل واقف فى مكانى
النوم خاصمنى وخدنى السهر ولا دارى
ايه طعم دنيتى وقلبى يدق بصوت عالى
اتعجب انا ليه بيه انشغل عقلى وبالى
هو ينام ويتهنى وأنا يدوبنى سهر الياللى
وفى ليلة خدنى الشوق إليه وندانى
شفته مديت إديه من غير ما ينطق لسانى
ضم إيدى فى قلبه وقالى أهلا بالغالى
ظلمت قلبى وقلت عنى ابو قلب خالى
و كل حته فى كل ليلة بتبعتلك سلامى
طار القلب من فرحتى وانتهت ألامى
