وحشنى كلك ... للأديب الشاعر/ صالح سالم - المصرى

وحشنى كلك

مش بس صوتك و همسك

وحشنى شوقك و لمسك

وحشنى دلعك و غرامك

وحشنى حبك و هيامك

وحشنى حضنك و حنانك

وحشنى كلك

وحشانى نظرة من عنيك

وحشانى منك كلمة حبيبى

وحشانى ريحتك و كلامك

وحشانى ضمه بين إديك

وحشانى قبلة شوق طويلة

صرخة ااااااااه بخوف جميلة

لما اشيلك و افضل الف بيك

وحشانى معاك رحلة سفر

فوق السحاب نجاور فيها القمر

نعشق ندوب و يطول السهر

نفرس عزول و نغير عناد القدر